TSELATRA

Nofelahin’ny renim-pianakaviana iray ny reseveran’ny taxi-be Zotra F mampitohy an’i Cnaps sy Ambatofotsy, teny Andoharanofotsy, omaly. Tsy nanaiky saran-dalana 600Ar ilay resevera fa nolazainy fa 1 000Ar ny saran-dalana Andoharanofotsy hatreny amin’ny Cnaps. Nentin-katezerana ilay vehivavy satria notereny hivoaka rehefa tsy handoa 1 000Ar. Raikitra ny fifandonana ka nahazo ny tefaka mandrivorivo ilay resevera. Nihomehezan’ny olona fotsiny ilay resevera satria nanararaotra. Tsy hitan’ny mpamily koa izay natao.
Kisoa telo indray maty vokatry ny doro tanety tamina velaran-tany 15ha, tao Ambatomaintina, fokontany Ambodimanga I, kaominina ambanivohitr’i Betampona, Fenoarivo Atsinanana, omaly. Afo tsy voafehy nataon’ny raim-pianakaviana iray teny an-tanimbary no nitarika ny firehetana. Lasa nitsoaka avy hatrany ilay tompon’antoka raha vao vantany nirehitra ny tanety. Tsy nisy aina nafoy na naratra.