TSELATRA

Jiolahy roa lahy tompon’antoka amin’ny fanafihana lavon’ny balan’ny polisy tao Anosibe, ny 21 desambra teo. Nikasa hanafika Cash point ireto olon-dratsy ireto no narahin’ny mpitandro filaminana avy eo anivon’ny Sag. Dimy lahy nitam-piadiana, nitifitra ny polisy hisambotra azy ireo olon-dratsy. Vokany, lavo ny roa tamin’ireo mpandroba. Tafaporitsaka ny telo lahy namany.
Roa lahy mody nanofa fiara tsy namerina intsony ka voatery nosamborin’ny zandary Itaosy, afakomaly. Efa namidin’ny iray tamin’ny olona hafa ny fiara nofainy. Tra-tehaka tao Andoharanofotsy io fiara marika Kia Pride io satria nampian’ny tompony GPS. Noraisim-potsiny teny Ambonisoa kosa ilay faharoa izay teo am-pamarotana ny fiara marika Chevrolet.