Hita tao anaty lavaka : Mpivady mpangalatra taolam-paty tratra

Voasambotry ny zandary tao Antsahananamirongo, vakim-paritra Ankaramy anivo, fokontany Antsahampano, kaominina ambanivohitra No­sibe, distrikan’i Vohémar, ny sa­botsy teo, ireo mpivady mpanao trafikana taolam-paty. Nahazo fampitam-baovao mialoha ny zandary momba ny fisiana taolam-paty hita ao anaty lavaka. Tsy fantatra izay tompon’antoka tamin’io halatra taolam-paty io. Tonga hain­gana teny an-toerana ny zandary niaraka tamin’ny dokotera avy ao amin’ny CSB1 Antsa­hampano mba hanao fanadihadiana momba ity raharaha ity. Tao anatin’ny fanadihadiana no nahafantarana fa mpivady tao amin’io fokontany io no tompon’antoka tamin’ity halatra taolam-paty ity. Nosam­borina izy mivady saingy tsy mbola nilaza ny fasana nakana ireo taolana marobe ireo. No­men’ny zandary ireo fokono­lona ny taolana mba halevina. Mitohy ny famotorana azy mivady. Ny zandary ao amin’ny tobim-paritra Daraina no mandray an-tanana ny raha­raha.

Jean Claude