Fisolokiana hafa koa! Lasan’ny olon-dratsy ny moto marika Kymco G5 teny Mandrosoa Ivato, ny 20 desambra teo. Nitondra moto scooter jog 90, mody nanakan-dalana io olon-dratsy io. Nandalo ny mpitondra ilay kymco ka nosakanany. Nampiresahin’io mpisoloky io, nilaza ho misedra olana izy. Napetrany tamin’ ny sisin-dalana, araka izany, ny moto Jog nentiny. Nangataka tamin’ ilay mpitondra Kymco izy mba hanome azy vetivety io moto io. Varimbariana sy tavela tao anatin’ny fifampiresahana ny tompon’ ilay kymco. Nirifatra nandositra ny olon-dratsy niaraka tamin’ny moto nangalariny. Nariany teo amin’ilay voasoloky kosa ny scooter marika Jog. Nametraka fitoriana teny anivon’ny zandarimaria ny lasibatra. Tavela tao anatin’ny moto rahateo ny mombamomba ilay mpangalatra. Nanao fikarohana ny zandary ka voasambotra tao Soamanandrariny ity farany. Tratra teny aminy ny moto nangalariny. Nentina natao famotorana, hatolotra ny fampanoavana tsy ho ela ny raharaha.
Tsiferana R.
French