TSELATRA

Notanana eny Tsiafahy, afakomaly, ny lehilahy nanolana ny zanany vavy 16 taona tao Sabotsy Na­mehana. Nanamparany ny filan-dratsiny io zanany naterany io ary norahonany tsy hiteny tamin’ny manodidina momba ny fanararaotana ara-nofo nahazo azy.
Lelavola 40 tapitrisa Ar lasan’ny jiolahy roa lahy nitam-piadana, tao Ambolomadinika, ny alatsinainy 23 desambra teo. Nandeha Tuc-Tuc ny lehilahy avy nindrana io vola io tany amin’ny Banky. Nokasainy hanaovana tetikasa ny vola kinanjo lasibatry ny olon-dratsy.
Mpandeha roa namoy ny ainy vokatry ny lozam-pifamoivoizana teny amin’ny RN12 tao Farafangana, ny 24 desambra teo tamin’ny 9 ora maraina. Niainga avy ao Fianarantsoa, nikasa hihazo an’i Vangaindrano ity taxi-borosy ity.