Maty tsy tra-drano ny raim-pianakaviana iray 55 taona voafaokan’ny taksiborosy, tao Ambodiamontana fokontany Marosoka, kaominina ambanivohitra Analavory RN 43 Pk 005+ 700, ny 23 desambra 2024 tolakandro teo. Taksiborosy marika mazda, mizotra ho any Ampefy no nandona ity raim-pianakaviana ity. Niampita tampoka tamin’ny arabe izy ka tsy afa-niala intsony ilay fiara mpitatitra. Vokany, maty teo no ho izy noho ny dona mafy nahazo azy. Monina ao Angavo fokontany Marosoka Analavory izy. Vaky ny fitaratrabe anoloana ny fiara. Tonga teny an-toerana nanao ny fizahana sy ny fanadihadiana ny zandary niaraka tamin’ny dokotera avy ao amin’ny CSB2 Analavory. Natolotra ny fianakaviany ny razana taorian’ny fizahana. Nentina nanaovana famotorana eny amin’ny biraon’ny zandary ao amin’ny tobim-paritra Analavory sady naiditra violon ilay mpamily namoa-doza. Hatolotra ny fampanoavana izy aorian’ny famotorana.
J.C
French