TSELATRA

Voasambotry ny mpitandro filaminana, omaly, ilay tovolahy nandaka ka nahatorana teo no ho eo lehilahy iray teny Ambohipo, ny 25 desambra lasa teo. Vatan-dehilahy maromaro samy nidaroka ilay lasibatra saingy io voasambotra io no nandaka teo amin’ny tendan’ny lasibatra ka antony nitarika ny tsy fahatsiarovany tena tamin’ny fotoana nahavoa azy.
Notanana am-ponja, ny 24 desambra teo, ny lehilahy nahatrarana toaka gasy 400 litatra tao Morondava. Notaterina tamin’ny zerikanina mavo io toaka io. Nogiazana avokoa ireo entana rehetra teny aminy.
Fiara tsy mataho-dalana nivadika teny Ambohimahitsy, afakomaly alina. Olona telo naratra ka nentina namonjy ny hopitaly Homi. Mpitondra moto scooter iray hafa koa, tsy nahatsiaro tena nidona tamin’ny moto nijanona amoron-dalana teny Andoharanofotsy.