Anisan’ny misitraka ny tetikasa Madatlas ny Oniversiten’Andrainjato. Angady nananana izany ny Fandaharanasa “Partenariats académiques Afrique-France”.
Oniversite iray hanatanterahana ny tetikasa Madatlas ny ao Fianarantsoa. Tetikasam-panofanana iarahan’ny Oniversiten’i Fianarantsoa sy ny Université de Gustave Eiffel, ny Université de Bordeaux Montaigne ary ny Institut de recherche pour le développement (IRD). Nanomboka ny taona 2021 ny tetikasa, manofana momba ny taontsarin-tany niomerika. Manampy amin’ny fanavaozana ny taontsarin-tanin’i Madagasikara amin’ny fampiasana ny sary azo avy amin’ny zanabolana sy ny teknolojia vaovao iraisam-pirenena izany. Napetraka hifanaraka amin’ny filan’ny sehatra tsy miankina sy ny firaisamonina sivily ary ny fanjakana malagasy ny fanofanana. Hisehatra amin’ny tsenan’ny asa eto an-toerana ireo manam-pahaizana sy mpikaroka mivoaka aorian’ny fanofanana. Ankoatra izany, misy ny fampiofanana sy famolavolana tolotra ho an’ny orinasa izay tena nahitam-bokany.
Vavolombelona
Nandray anjara tamin’ny fivoriana voalohany ny fandaharanasa “Partenariats académiques Afrique-France” (PeA) ny ekipan’ny tetikasa Madatlas, ny volana desambra lasa teo. Fihaonana natao tany amin’ny Institut français de Cotonou (Bénin). Nikarakara izany ny Agence française de développement, ny Campus France, ny Agence nationale de la recherche (ANR) ary ny masoivohon’i Frantsa ao Bénin.
Nitondra ny anarana Partenariat avec l’enseignement supérieur africain ny fandaharanasa teo aloha. Mamatsy vola ny fiaraha-miasa ho fampiroboroboana ny lalam-piofanana amin’ny sehatry ny toekarena. tanjona ny mba hahazoan’ny mpiofana ny mari-pahaizana Licence, Master ary Doctorat
Nanatrika ny fihaonana tany an-toerana ireo mpitantana ny tetikasa tohanan’ny PeA sy ny mpisehatra amin’ny tontolon’ny fikarohana sy ny fampianarana ambony.
Hita taratra tamin’ireo sahanasa samihafa ny ekipan’ny Madatlas: fijoroana vavolombelona, dinidinika ary atrikasa. Navoitran’izy ireo nandritra ny fifampizarana ny maha zava-dehibe anatin’ny tetikasa ny fanohanan’ny PeA. Teo koa ny fampiofanana sy ny famolavolana tolotra ho an’ny orinasa.
Vonjy
French