Tsy nisy namantarana azy intsony, fatin’olona iray natsingevan’ny honahona teny amin’ny fokontany Ambohidahy Ankadindramamy, omaly maraina. Mpandalo no nahatsikaritra ny fisian’io tranga io. Niantso ny manodidina, nozahana kinanjo fatin’olona efa nibontsina sy simba tanteraka io hitan’izy ireo io. Niantso ny tomponandraikitry ny fokontany avy hatrany izy ireo. Nigadona teny an-toerana ny mpiasa eo anivon’ny fahasalamana “BMH”. Nandritra ny fahitan’ny mponina manodidina ny razana, tsy voamarina raha toa ka vehivavy na lehilahy io olona hita faty io. Efa ahina ho namoy ny ainy andro vitsy talohan’izao nahitana azy izao io olona io. Namoaka fofona ratsy rahateo ny vatany ka tsy sahy nanatona ny mponina fa niandry ny tomponandraikitra misahana izany. Hatreto, tsy fantatra mazava ny antony nahafaty azy.
Tsiferana R.
French