Tselatra

Nisy namaky ny alahady hifoha alatsinainy teo ny Emetteur an’ny orinasan-tserasera amin’ny alalan’ny fahitalavitra tsy miankina iray etsy Ambohimitsimbina. Hita sy fantatra izany nandritra ny fizahana nataon’ny tekni­siana teny an-toerana, omaly maraina. Nisy fahatapahana kely ny fandehanan’ity fahitalavitra ity tamin’ny 12 ora alina talohan’io andro io. Namerina izany kosa ny teknisianina omaly tamin’ny 5 ora maraina nefa tsy nandeha. Tsy azon’ iza idirana eny an-toerana raha tsy mahazo alalana avy ao amin’ny ORTM.
40 ireo mpifindra monina tsy ara-dalàna voasambotra tany Mahajanga, omaly alina. Noravan’ny borigadin’ny zandarimariam-pirenena any an-toerana ny fifindra-monina tsy ara-dalàna. Nahitana teratany vahiny 38 tamin’ireo mpandeha miisa 40 ireo. Teratany somalianina ny 36, ​​etiopiana iray sy kaomorianina iray ary Malagasy roa hafa. Efa eo anivon’ny sampana fikarohana mahaka­sika ny heloka bevava ao Mahajanga ny fanadihadiana amin’izao fotoana izao.
Vehivavy mpivarotra rongony voasambotry ny polisy tao Ambohimagnary, faritra Diana, ny 4 janoary teo. Nosavaina ny trano fonenany ka nahatrarana rongony tamina fonosana maromaro.