Nankalaza ny faha efa-taona nijoroany ny Deuxième bataillon d’infanterie de Marine Antsiranana na ny 2è Bima, ny 6 janoary 2025 teo. Hetsika maro no nentin’izy ireo nanamarihana izany, toy ny hetsika ara-panatanjahantena isan-karazany, ny fizarana loka sy amboara ireo nandrombaka izany ary ny fizarana nofon-kena mitam-pihavanana ho an’ireo miaramila eo anivon’ny vondrona. Teo koa ireo vahiny nasaina nandritra izany fankalazana izany. Mampiavaka ity vondrona ity, ny iraka manokana sahaniny amin’ny fandriam-pahalemana an-dranomasina. Nanombohana ny fankalazana ny lomano lavitr’ ezaka mirefy 2,5 km, antsoina hoe « nage commando », niainga teo amin’ny seranana nihazo an’i Cap Diego. Nandritra izany koa no niarahabana ny lehiben’ny vondrona, ny Capitaine de Vaisseau Randrianantenaina Jean Christian, tratry ny taona vaovao 2025 ka nanoloran’ireo mpiara-miasa aminy ny solombodiakoho. « Sahy », tarigetran’ny vondrona mpiantafika an-dranomasina (2è Bima) entiny manatontosa ireo iraka iantsorohan’izy ireo.
Jean Claude
French