“Mila henoin’ny zanaka ny raiamandreny. Na raiamandreny ara-pitondrana io, na ara-drazana, na ara-pivavahana. Nefa tokony hihaino ny zanaka koa izy ireo. Ilaina izay fifampiresahana izay, raha tiantsika ny hampivoatra ny tontolo”. Io ny fanehoan-kevitry ny mpanolotsaina eo anivon’ny birao maharitry ny Ceni, Ravalitera Jacques Michaël, teny Alarobia, omaly, manoloana ny raharaham-pirenena amin’izao. Lasa toa ka mitady hivaona ao anatin’ny fiarahamonina isika amin’izao, fa hadino ny kolontsaina maha Malagasy. Lasa sanatria mitady hisian’ny korontana ao anatin’ny fiarahamonina. Raha miady, ohatra, ny ray aman-dreny ao an-tokantrano: hisy zavatra hilamina ve? Na miady ny samy ray aman-dreny… Samy raiamandrany na ny ara-panjakana, na ny ara-panahy na ny ara-drazana. Milamina ve ny firenena raha miady ireo? Tokony handray andraikitra hatrany ny raiamandreny na ara-panahy na ara-drazana. Na ny eo anivon’ny fiarahamonina koa aza: tsy tokony handry amim-bolony izay resahina fa hamakafaka, indrindra ny lalàna mifehy.
R. Nd.
French