Tselatra

Renim-pianakaviana hita faty tao Toamasina, omaly maraina tamin’ny 10 ora. Mpandalo no nahatsikaritra io ramatoa io tao anatin’ny ahitra, teo amin’ny lalan’ny fahaleovantena. Matin’ny hanohanana io ramatoa io, araka ny loharanom-baovao.
Notanana am-ponja ireo telo lahy tratra nangalatra kisoa tao Ambodisaha Imerintsiatosika, ny alatsinainy 6 janoary teo. Karohina ireo roa lahy namany izay voalaza fa niray tsikombakomba tamin’izy telo lahy voatazona ireto.
Roa lahy namaky trano tra-tehaky ny zandary tao Ambovokely, fokontany Ikianja, kaominina Ambohimangakely, ny 3 janoary teo. Efa nangonin’izy roa lahy avokoa ny fitaovan-dakozia niampy ny entana sarobidy samihafa.
Maty voatifitry ny polisy ny jiolahy raindahiny tao Toliara, ny alin’ny 8 janoary teo. Nifanenjehan’ny polisin’ny UIR tao amin’ny fokontany Antaravay Salimo izy, namaly ireo mpitandro filaminana ary izao lavo izao.