Notafihin’ny dimy mianadahy mitam-piadiana, voaroba ny volabe, tao amin’ny tranombarotra iray. Nataon’izy ireo tao anaty gony, tao amin’ny tranon-jiro Ankirihiry, Toamasina, omaly atoandro tamin’ny 12 ora sy sasany, izany. Andian-jiolahy dimy mianadahy no niara-nanatontosa io fanafihana io. Ny telo niditra avy hatrany fa niandry teo ivelany kosa ny namany. Vehivavy iray, niandry ny moto notaingenan’ny jiolahy iray raha toa ka nanao taingin-telo ny ambiny. Niezaka nanenjika ny fokonolona, nanao tifi-danitra ireo jiolahy. Latsaka teny am-pitsoahana ny basy iray vita tanana. Nalain’ireo mpanara-dia izany. Nigadona teny amin’ny toerana nitrangan’ny fanafihana ny polisin’ny Fip saingy efa tafatsoaka avokoa ireo mpandroba. Lasa avokoa ny vola matin’ny ilay trano fivarotana. Mandry tsilavoloha, mitaintaina tanteraka, ireo mpivarotra ao Toamasina, amin’izao fotoana. Lasibatry ny asan-jiolahy hatrany ny ankamaroan’izy ireo.
Sajo.
French