Nasesin’ny jiolahy ny tokantrano miisa telo tao amin’ny fokontany Belobaka, Mahajanga II, afakomaly tamin’ny 2 ora maraina. Niantso vonjy tamin’ny manodidina sady nitsioka kiririoka ny lasibatra ka tsy nahazo na inona na inona ireo jiolahy. Raim-pianakaviana iray niezaka niaro tena voafiran’ny antsy nataon’ireo mpandroba.
Renim-pianakaviana roa sy zazalahy 10 taona namoy ny ainy nandritra ny fanafihan-jiolahy tao amin’ny fokontany Ambohiboatavo, kaominina Ampitatsimo, Ambatondrazaka, afakomaly maraina tamin’ny 9 ora. Tsy nahazo na inona na inona anefa ireo olon-dratsy fa lasa nandositra taorian’ny fanafihana.
Vehivavy nitondra moto voadona tsinahy noho ny fahatapahan’ny hisatra tampoka an’ny taxi-be 129 teny Ambohipo, omaly. Nifatratra tamin’ny taxi-be iray hafa io fiara io. Tsy nisy aina nafoy.
Kilan’ny afo tsy nisy noraisina, fiara tsy mataho-dalana iray avy any Fort-Dauphin nikasa hihazo an’Ambovombe, omaly. Tafavoaka avokoa ny mpandeha tao anatiny.
French