Nitrangana lozam-piarakodia, taksiborosy iray hafa koa, teny amin’ny RN 4, PK 299+800, tao Ambodimanga/Beanana distrika Maevatanàna, ny sabotsy tolakandro teo. Taksiborosy hihazo an’Antsiranana ity niharan-doza ity vokatry ny fifandonana tamina fiara 4×4 iray teo ambony tetezana. Nilatsaka tany ambany tetezana ilay taksiborosy taorian’izay. Tandrevaka teo amin’ny mpamily, araka izany, no nahatonga ny loza, raha ny fanazavan’ny zandary tonga nanao fanadihadiana teo amin’ny toerana nitrangan’ny loza. Vokany, mpandeha miisa 17 naratra mafy ka nentina haingana namonjy ny hopitalin’i Maevatanàna. Samy nahazo fitsaboana, tsy misy ahina ny ain’izy ireo. Potika tanteraka ity taksiborosy namoa-doza ity. Manampatra amin’ny hafainganam-pandeha diso tafahoatra ireo mpamily mampiasa iny lalana iny.
J.C
French