Raim-pianakaviana iray maty voatifitry ny jiolahy teo amin’ny faritry ny tratrany, tao Mantasoa, omaly. Nitondra fitaovam-piadiana mahery vaika, nandroba tao amin’ny tokantrano fonenan’io rangahy io ireo jiolahy, tamin’ny 2 ora tolakandro.
Norobain’ny jiolahy ny toeram-pivarotam-panafody ao Soavimasoandro, afakomaly atoandro. Niditra toy ny mpanjifa rehetra, nambanan’ny olon-dratsy basy ny mpiasa. Niantso vonjy ireo lasibatra saingy efa tafaporitsaka niaraka amin’ny vola ny mpandroba.
Naratra vokatry ny fianjerana tamin’ny moto ny vehivavy iray, teny Anosipatrana, ny sabotsy 11 janoary teo. Nandeha mafy, nisosa tampoka ny moto scooter marika Kymco Racing notaingenan’izy ireo. Tsy nisy kosa ny aina nafoy.
Dimy lahy namaky orinasa iray tao Ambalamanasy, Carreau VII, afakomaly. Voaroba ny ordinatera roa. Notorahin’ireo olon-dratsy tamin’ny vato ny mpiambina. Nandositra ireo mpandroba taorian’izay.
French