Noho ny fotodrafitrasa any Kenya sy i Tanzania ary i Ounganda tsy mbola tomombana tsara, nanao fanambarana ny Caf fa hatao amin’ny volana aogositra ny «Chan 2024».
Nandray fanapahan-kevitra goavana ny Kaonfederasiona afrikanin’ny baolina kitra (Caf), omaly halina, tao anaty tambajotran-tseraseran’izy ireo. Notapa-han’izy ireo tamin’izanyfa ha-hemotra amin’ny volana aogositra ho avy izao ny fiadiana ny ho tompondakan’i Afrika, ho an’ ireo ekipa nasionaly tsy ahitana mpilaravinahitra « Chan 2024 », izay hatao any Kenya, sy Ouganda ary i Tanzania. Raha ny fanaza-vana hita tao anatin’ilay fa-nambarana, nomena fotoana ireo firenena mpampiantrano hanavao tsara ny kianja fandraisan-dalao sy ny hotely ary ireo fotodrafitrasa maro izay tokony hatsaraina.
Efa any Manakara ny Barea
Mbola manana lalao fitsapana hatao eto an-toerana iray ny Barea, taorian’ilay fandresena, 2 no ho 0, azon’izy ireo nanoloana ny ekipa voafantin’i Matsiatra Ambony, ny alahady lasa teo, tany Fianarantsoa. Araka ny vaovao voaray, omaly, efa any Manakara ny ekipa nasionaly malagasy. Hifanandrina amin’ireo mpilalao voafantina ao Vatovavy Fitovinany, no tena anton-dian’izy ireo any. Manoloana io fihemorana io nefa, nilaza ny mpanazatran’ny Barea, Rakotondrabe Romuald Felix na i Coach Rôrô, fa tsy mbola misy fanapaha-kevitra ho raisin’izy ireo, fa hankinina amin’ny Federasiona malagasin’ny Baolina kitra (FMF) izay mety ho fiovan’ny fandaharam-potoana efa napetraka.
Fitia Randria
French