Taratry ny kanto

“En chanson” – misokatra ny fisoratana anarana. Ity ilay fifaninanan-kira amin’ny teny frantsay, karakarain’ ny Alliance Française eto Madagasikara. Tsy hira noforonina akory, fa ireo hira amin’ny teny frantsay araka ny safidin’ny mpifaninana no hataony mandritra izany. Manana hatramin’ny 7 febroary ireo liana, hisoratany anarana eny amin’ny AFT Andavamamba.
Tsy sarotra ny mamantatra ny atao hoe “kanto”. Mety tsy hitovy kosa, anefa, ny famaritana azy. Saingy, io famaritana io, hatramin’izao, mbola ifandirana sy mampisy fifanakalozan-kevitra tsy misy fiafarany. Ireo manaja ny soatoavina no kanto. Tsy soatoavina eo amin’ ny faritra iray, ohatra, ny mitanjatanjaka na ny miboridandridana eo imason-olom-pady. Izay mitsipaka an’io (na fiteny na fitafy…), tsy kanto!
“Paris in Love”, ho tafaraka any ireo mpanakanto malaza amin’ny mozika mihetsika. Hotontosaina ao amin’ny Le Millénium ao Paris indray ny andiany fahatelo amin’ity hetsika ity, ny 15 febroary izao. Rim-Ka, Anicette, Ceis, Ceasar, Kesy, Ngiah Tax, Parish, ary i Moopcaan no hiaraka hirodorodo hanafana izany. Ho avy hanentana ihany koa i Jean Luc ary i DJ Christophe no hanafana ny elanelam-potoana.
Tantara mpanimbazimba? Mety tsy ho fanahy inian’ny mpanoratra fa mety ho lalana tsy maintsy izorana mba ho tafita ny hafatra. Tantara fandefa amin’ny Radio ahenoina “teny mamotika ny teny malagasy. Ma­nimbazimba ny soatoavina malagasy. Manilika ny fomba amam-panao malagasy, sns”. Mila fanarenana goavana, satria, marobe ny Malagasy mihaino tantara amin’ny Radio.