Voasambotry ny zandarimaria ireo dimy lahy tompon’antoka tamin’ny halatra fiara tsy mataho-dalana teny Ivato, ny 5 janoary teo. Naharay fitoriana avy tamin’ny tompon’ny fiara marika “Toyota Land Cruiser” ny zandary eo anivon’ny zana-tobim-paritra Ankadindravola, tamin’io andro io. Nanao fikarohana avy hatrany ny mpitandro filaminana rehefa fantatra ny toerana nahitana farany ny fiara. Dimy lahy voasaringotra tamin’io raharaha io. Tompon’antoka ny mpamily izay efa mpampiasa ny fiara. Nanaovany fanalahidy nanana dika mitovy io fiara io ka nanamora ho azy ny fangalarana izany. Nifandimbiasan’izy dimy lahy nentina, araka izany, ilay 4×4. Nampiasain’izy ireo antsokosoko ny fiara. Niaraka tratra ireo olona dimy ireo. Tsy nisy nanda, samy niaiky heloka ho nanao io halatra io izy ireo. Voaporofo tamin’ny alalan’ny famotorana nataon’ny zandarimaria fa ilay mpamily tokoa no atidoha. Naverina amin’ny tompony ny fiara. Natolotra ny fampanoavana izy dimy lahy. Nahazo fahafahana vonjimaika saingy arahi-maso ara-pitsarana ny iray. Nalefa eny Antanimora ireo efa-dahy.
Tsiferana R.
French