Tselatra

Jiolahy nitam-basy nikasa hangalatra omby vaky nandositra tao Antanjombe, Ambohimanarina, ny alin’ ny alakamisy hifoha omaly zoma. Henon’ny tompon-trano ny fisian’ireo olon-dratsy ka nitsoaka nandositra izy ireo.
Mpanao sinto-mahery voasambotry ny fokonolona ka saika niharan’ny daroka sy vono teny Ampefiloha, afakomaly. Nalain’ny roa lahy tsy fantatra io mpanao ratsy io fa hoentin’izy ireo eny anivon’ny mpitandro filaminana.
Nidina an-dalambe nanao fitokonana ny mpivarotra fanaka tao Ambatondrazaka, omaly. Mitaky ny famoahana tsy misy hatak’andro ireo namany voasambotra izy ireo. Marihina, fitrandrahana ala tsy ara-dalàna no nisamboran’ny tomponandraikitra ireo olona voatazona ireo.
Kilan’ny afo ny birao sy efitrano lehibe iray ao amin’ny Presidence Oniversite Toliara, omaly. Fifampikasohan’ny herinaratra no niteraka ny firehetana. Potika avokoa ny ankamaroan’ny entana tao amin’ny birao.