Nitondra fanazavana ny fitondram-panjakana, mahakasika ny fidinan’ny vidin-tsolika, ny sabotsy lasa teo. Hampifanarahina hifanahantsahana amin’ny fiovaovan’ny vidiny eo amin’ny tsena iraisam-pirenena ny eto amintsika, nanomboka ny sabotsy 19 janoary teo. Tsy voatery hiaka-bidy fa afaka hampidinina ihany koa. Maro ny lafiny toekarena jerena, satria mavesatra loatra amin’ny kitapombolam-panjakana ny famenoana ara-bola ny elanelana. Ao anatin’ny fanatontosana ny Politika ankapoben’ny fanjakana (PGE) rahateo izany.
Anisan’ny fepetra nifanarahan’i Madagasikara amin’ny Tahirimbola iraisam-pirenena (FMI), voafaritra ao anatin’ny Fampindramam-bola nohamoraina (Fec) sy ny Fampindramam-bola hiatrehina maharitra ny fiovan’ny toetra’andro (FRD) izany.
Nitarika ny fotoana, nanazava ireo, ny minisitry ny Angovo sy ny akoranafo(MEH), Jean Baptiste Olivier, ny talen’ny fifandraisana ao amin’ny fiadidiana ny Repoblika, sady mpitondra tenin’ny filoha, Ranoromaro Hasinirina, ny talen’ny Akoranafo, Razafimamonjy Jinot ary ny Tale jeneraly mpisolo toerana ny OMH, Raveloson Cydolain.
Njaka A.
French