Vaovao anisan’ny nampahafantarin’ny Tanora Masina Itaosy ireo mpitia antsa sy fiderana ny fanombohana ny taom-pitoriana ho an-dry zareo. Fantatra fa ilay seho lehibe « Santatra sy Fiderana 2025 » no hanana endrika fanomezana ho an’ ny olon-drehetra. Tsy hisy ny vidim-pidirana. Fampisehoana hotanterahina ao amin’ny FLM Toby Fanantenana 67Ha, ny sabotsy 1 febroary izao, manomboka amin’ny 2 ora sy sasany tolakandro.
Raha tsiahivina, ny Tanora Masina Itaosy (TMI) no iray amin’ ireo nanatanteraka seho an-tsehatra (anaty trano sy ankalamanjana) maro indrindra tamin’iny taona 2024 nivalona iny. Saika voatetin’ity antoko mpihira anisan’ny sangany sy manana ny lazany ity avokoa ny faritra maro eto Madagasikara. Mampiavaka azy ireo ny fahaiza-mamorona sy mandrindra izany amin’ny feo ananan’ny mpikambana ao aminy.
Tononkira sy feon-javamaneno ahenoina sy mahatahiry fahatsorana hany ka mora amin’izay mandre azy ny maharay ny hafatra ao anatiny.
HaRy Razafindrakoto
French