Hotanterahina ny 15 febroary ka hatramin’ny 5 marsa izao, ao amin’ny Alliance Française Antananarivo Andavamamba ny « Championat de lecture », andiany faha-7. Fifaninanana hitiliana izay mahay mamaky teny frantsay. Mizara sokajy telo ny mpifaninana. 9 ka hatramin’ny 12 taona. 13 taona ka hatramin’ny 17 taona ary ny mihoatra ny 18 taona.
Misafidy lahatsoratra telo amin’ny fiteny frantsay ny mpifaninana tsirairay. Vakiana amin’ny feo mafy eo anatrehan’ny mpikarakara ny hetsika izany. Tsy latsaky ny 1mn ary tsy mihoatra ny 2 minitra ny faharetan’ny famakiana ilay lahatsoratra. Raha tafiakatra amin’ny dingana manaraka ny mpifaninana. Misafidy iray indray amin’ireo lahatsoratra tsy mbola novakiana. Hitsarana sy hanomezana isa ho an’ny mpifaninana tsirairay ny fomba fanolorany ilay lahatsoratra. Ny hatsaran’ny fomba famaky sy ny fahazavan’ny feo mandritra ny famakiana. Ny fahaiza-maneho ny voambaran’ny lahatsoratra sy ny fiantraikan’izany any amin’ireo mihaino azy. Ny hafainganam-pandeha sy fahaiza-mifehy fotoana mandritra ny famakiana ny lahatsoratra.
HaRy Razafindrakoto
French