TARATRY ny KANTO

Grey, eny amin’ny La Teinturerie Ampasani­malo. Tarika iray mivoy ny gadona metal, ivondronana tanora manan-talenta ny Grey. Hizara ny sanganasany anio, manomboka amin’ny 8 ora alina ry Navalona eo amin’ny feo, Mandrindra amin’ny gitara beso, Ny Aina amin’ny amponga maroanaka ary i JT eo amin’ny gitara. Efa manana hirany manokana ny tarika Grey hoentiny an-tsehatra amin’io.
Mbola Talenta & Co, eny amin’ny O’Box Itaosy. Revy vazo sy gitara izy ity, manomboka amin’ny 7 ora sy sasany. Hivelatra be ny hira halahatra mandritra izany, satria tsy hira milantolanto ihany, fa hitety karazan-gadona mihitsy izy ireo. Hifameno eo amin’ny feo i Rijakely, Fitahiana ary i Mbola Talenta. Hitrotro ao am­badika kosa i Hoby eo amin’ny gitara, Parany eo amin’ny gitara beso ary i Tefy eo amin’ny amponga maroanaka.
Hisokatra rahampitso ilay fampirantiana miavaka “Tohy” etsy amin’ny IKM Antsahavola, homanin’ ilay mpanatalenta Hagani Sainana. Hanomboka amin’ ny 4 ora hariva ny fanokafana amin’ny fomba ofisialy, hitarihan’ity mpanakanto ity ireo hanatrika izany any amin’ny tontolony, amin’ny alalan’ireo fafana isan-karazany nosafidiana manokana haranty ao, hatramin’ny 28 febroary.
Fara Gloum, eny amin’ny Resto Ato Ambato­roka. Rahampitso 1 febroary indray ity fiarahana manaraka ity. Feo tokana gitara iray ihany no handrotsian’i Fara Gloum ireo mpankafy amin’io fotoana io. Hitety karazan-kira na vahiny na Malagasy izy sy ny gitarany. Hanao ireo hirany manokana, toy ireo voarakitra ana­tin’ilay rakikira efa navoakany koa.