TSELATRA

Nitombo isa ireo vehivavy polisy ao amin’ny Brigade féminine de proximité na BFP any Morondava. Hanampy ireo polisy efa an-daharana sy hanamafy ny fandaminana eo amin’ny fifamoivoizana, indrindra amin’ny lafiny fisorohana herisetra eo amin’ny ankizy sy ny vehivavy ary ny fanararaotana ara-nofo izy ireo. Hitondra ainga sy hery vao ho an’ny polisim-pirenena sy ireo mpitandro filaminana rehetra ao an-toerana izany.
Roa lahy mpangalatra panneau solaire tratran’ny polisim-pirenena etsy Andravoahangy, omaly. Polisy nanao fisafoana no nifanena tamin’izy ireo. Nosavaina ny entana teny aminy ka nahitana ireo entana halatra ireo. Nentina teny anivon’ny biraon’ny polisy avy hatrany izy ireo nanaovana fanadihadiana.
Lehilahy iray saika matin’ny fokonolona, omaly, tany Ambohimahasoa (Fianarantsoa). Tratra namaky toeram-pivarotana izy sy ny namany iray hafa tamin’izany. Ity farany izay tratra raha toa ka tafatsoaka ilay namany. Efa nanao io asa ratsy io izy ireo ny alahady lasa teo fa omaly vao tratra.
Taorian’ny fanentanana nataon’ny mpitandro filaminana, nanatitra ireo akanjo mitovy amin’ny fanamian’ny miaramila amidiny tany amin’ny biraon’ny zandary any Mananara Avaratra ireo mpivarotra sasany, omaly. Manomboka ny sabotsy izao ny fanasaziana ireo sivily manao ireny akanjo ireny.