Maty voatifitry ny polisy avy amin’ny Uir ny alahady 23 febroary vao mangirandratsy, ny jiolahy roa. Tratra teo am-panendahana olona hody avy namonjy lanonana ireo olon-dratsy miisa efatra. Nahazo antso avy amin’ny olon-tsotra ny mpitandro filaminana, ka tonga ara-potoana nijery ny zava-misy. Nitsoaka avy hatrany izy ireo vantany vao nahita ireo polisy. Raikitra ny fifanenjehana sy fifanjevoana taorian’izay. Niezaka nampijanona ireo jiolahy ny polisy fa nandositra hatrany izy ireo. Nitari-dositra nankany Ambalakisoa izy ireo. Voatery nitifitra ny polisy, nirefotra ny basy, ka nahalavo ny iray tamin’ireo olon-dratsy. Voatifitra teo anelanelan’ny lalampasika Ambolomadinika izy io. Nitohy hatrany ny fanenjehana, lavo tao Ambalakisoa ny jiolahy faharoa. Tafatsoaka kosa ireo roa lahy ambiny, rehefa tafiditra teo amin’ny lalana mampisaraka an’Ambalakisoa sy Tanambao Verrerie.
Marihina fa jiolahy anisan’ny nampihorohoro ny mponina amin’ny fokontany maro any Ambalakisoa sy Morarano izy ireo, raha ny fahazavana voaray.
Sajo/ Mino
French