Niakatra fitsarana teo anivon’ny ambaratonga voalohany any Toamasina, ny alatsinainy 24 febroary teo, ny antontan-taratasin’ady lah. faha-198/RP/25 IS/SJ/ARS. Izay naha voarohirohy mpianatra tsy ampy taona miisa 17 avy amin’ny sekoly tsy miankina iray tetsy Tanamakoa. Mpiray tsikombakomba tamin’ny herisetra avokoa izy rehetra ireo. Voasazin’ny lalàna famaizana, laharana faha-311 izy rehetra ireo.
Tsiahivina, mpianatra iray, no tsy nahafehy ny fihetsiny nanoloana ny mpiara-mianatra taminy, tamin’ny 18 janoary 2025 lasa teo. Voatsatoka tamin’ny fitaovana “compat” teo ambony masony io mpianatra iray io, ka naratra mafy. Tsy nanaiky ny hifampiresaka tamin’ny ray aman-drenin’ny nahavanon-doza ny ankilany, fa nandefa ny raharaha teny anivon’ny polisim-pirenena. Na dia efa niezaka nandamina
sy nanelanelana aza ny tomponandraikitry ny sekoly. Vokany, niakatra fitsarana avokoa ireo mpianatra 17 sy ny ray aman-dreniny avy. Saika zanaka miaramila avokoa ny ankamaroan’ireo ankizy voampanga ireo. Hivoaka amin’ny 24 marsa izao ho avy izao ny didy mifandraika amin’ ity raharaha ity.
Sajo
French