Nitrangana firehetana trano iray tany Mahavanona Antsiranana II, afakomaly tamin’ny 3 ora maraina. Tovolahy 28 taona, mamo ary tsy tafahetsika tao an-tranony no may kilan’ny afo nandritra izany. Fatin’olona efa may kilan’ny afo tanteraka sy niondrika teo amin’ny sisim-pandriana no hitan’ny fokonolona sy ny tomponandraikitra. Afon-tsigara no mety ho antony nahatonga ny firehetana tamin’io fotoana io, raha ny angom-baovao voaray.
Nisotrosotro kely ity tovolahy ity, afakomaly tamin’ny 8 ora alina. Nody tao an-trano fonenany izy tamin’ny 2 ora sy sasany, izay efa mamo tanteraka. Telopolo minitra taorian’izay, nahatazana setroka sy afo nivoaka avy tao an-tranony ireo mponina teny amin’ny manodidina. Nahita izany ny fokonolona, ka nanao tanamaro namono ny afo. Nampandre ny tomponandraikitra avy amin’ny mpitandro filaminana mahakasika ny tranga ihany koa. Tonga tany an-toerana ireo tomponandraikitra avy amin’ny zandarimaria avy any Sakaramy, nanao ny fanadihadiana momba ny zava-misy. Voafehy malaky ny afo, fa efa namoy ny ainy ity tovolahy taraiky tao an-tranony ity.
Mino
French