Tafakatra 29 ireo olona namoy ny ainy, vokatry ny rotsakoram-be teto amin’ny Nosy, nanomboka ny 14 hatramin’ny 19 feborary lasa teo, raha ny tatitra navoakan’ny BNGRC, omaly hariva. Iray maty nilatsaham-baratra tany Behenjy, iray tany Belo Tsiribihina, telo ny teny Ambohidratrimo, iray tany Anjozorobe. Iray Farafangana, iray teto Antananarivo II, telo tao Antananarivo IV, iray tany Ikongo, dimy tany Taolagnaro, iray teto Antananarivo VI, roa tao amin’ny Antananarivo III, roa hafa tany Ambohidratrimo, iray tany Manjakandriana, roa teto Antananarivo Avaradrano, iray tany Ambatofinandrahana ary telo tany Nosy Varika. Olona telo naratra vokatry ny orambe, ary 32 664 ireo isan’ny traboina. Manodidina ny 13 736 ireo tsy maintsy nafindra toerana izay notsinjaraina tamin’ny toerana 53. Nahitana izany ny teto Antananarivo Renivohitra, Atsimondrano, Ambohidratrimo sy ny maro hafa.
Toetr’andro anio
Mitoetra amin’ny faritra Atsimo Andrefana sy Androy ny rindrin-drahona miaraka amin’ny rivodoza izay miteraka tafiotra mety hihoatra ny 90 km isan’ora. Hikija hatrany ny rotsakorana (70 hatramin’ny 130mm/24 ora), hatramin’ny anio. Ahina ny tondradrano sy ny fiakaran’ny renirano, ny ranomasina ary ny fihotsahan’ny tany sy lalana amin’ireo toerana marefo. Nahazo filazana loza mitatao i Androy, Toliara I – II, Ampanihy ary Betioky Atsimo. Loza manambana miloko mavo kosa ao Anosy sy Benenitra.
Mino
French