Zava-bita tsara indrindra 3 no montsana, nandritra ny fiadiana ny tompondakan’i Madagasikara, taranja lomano, ho an’ny dobo filomanosana 25 metatra. Fifaninanana notontosaina teny amin’ny Esca Antanimena, ny faran’ny herinandro, izay nahitana mpandray anjara 457, avy amin’ny ligim-paritra 7, manerana ny Nosy. Teo amin’ny 50 m dos, nomontsanin-dRabejaona Holy Antsa ny zava-bita tsara indrindra izay azy ihany, ka vitany tao anatin’ny fe-potoana 29 : 51 izany, raha toa ka 30 : 32 no nanaovany io 50 m dos io, tamin’ny 29 marsa 2024, nandritra ny fiadiana ny tompondakan’i Madagasikara 2024. Mbola i Holy Antsa ihany koa no nanamontsana ny zava-bita tsara indrindra faharoa, ny sabotsy teo, teo amin’ny 100 m 4 nages. Vitany tamin’ny fe-potoana 1:07 :80 izany raha toa ka 1 :07 :81 no nahavitan-dRabetsara Estellah io 100m 4 nages io.
Teo amin’ny lehilahy kosa, nisongadina tanteraka Andriampenomanana Baritiana, izay nahavita nanamontsana ny zava-bita tsara indrindra, teo amin’ny 800m nage libre. Tamin’ny fe-potoana 9:04:90 no nahavitany izany, raha toa ka 9:09:17 no ny fe-potoana nanaovany io hazakazaka io, tamin’ny 30 mars 2024 (Mada 2024). Tsy vitan’izany fa mbola nanatsara zava-bita roa ihany koa i Baritiana nandritra ity fiadiana ny tompondakan’i Madagasikara, sokajy 25 m ity, teo amin’ny 400m 4 nages sy 800m nage libre.
Tsiahivina fa natao hitiliana izay hiatrika ny fiadiana ny ho tompondakan’i Afrika Juniors, hatao any Egypte, ny 30 avrily hatramin’ny 4 mey izao, iny fifaninanam-pirenena iny, izay hitohy amin’ny 50 m, ny 17 hataramin’ny 20 avrily izao, any Toamasina.
Mi.Raz
French