Tratra nandritra ny fisavana nataon’ny mpitandro filaminana tao anaty sakaosin’ny mpandeha iray ny rongony milanja 8,10 kg, afakomaly. Fantatra nandritra ny fisavana ny entana rehetra teny amin’ny fiantsonana fiaingan’ny fiara ho any Ihosy izany.
Nahazo loharanom-baovao avy tamin’ ny olona tsara sitrapo ny teo anivon’ ny tobim-paritra Betroka, tamin’ny 12 ora atoandro, fa misy entana mampiahiahy entin’ny mpandeha iray. Tsy niandry ela fa nidina ifotony avy hatrany ny zandary telo lahy, notarihin’ ny kaomandin’ny tobim-paritr’ i Betroka nanao ny fanamarinana sy fitsirihana ifotony. Nosavaina, araka izany, ireo kitapo sy entan’ny mpandeha rehetra. Tratra nandritra izany ny kitapo iray feno rongony. Milanja 8,10 kg ireo rongony sarona nandritra izany. Nokasaina haondrana sy hoentina any amin’ny faritra Ihosy ireo zava-mahadomelina ireo, raha ny fampitam-baovao. Efa fantatra nandritra ny fanadihadian’ny mpitandro filaminana ny tompon’io entana io. Izay voasoratra tao anatin’ny birao misahana ny koperativan’ny fiara nitondra azy ihany.
Tsy nandeha tao anaty fiara ny tompon’ny entana tamin’io fotoana io ary mbola mikaroka azy ny manam-pahefana. Natao andrimaso mandra-pahitana ny tompon’entana kosa ny mpandray an-tsoratra sy mpampiakatra entana eo amin’ity koperativa ity hatramin’izao fotoana izao. Miandraikitra ny tohin’ny raharaha ny eo anivon’ny Commandant de Groupement Anosy.
Mino
French