Nitrangana faharendrehana lakana tetsy amin’ny lalana mampifandray ny Fasan’ny karana sy ny fokontany Ankazotoho Anosimahavelona, omaly tamin’ny 5 ora sy sasany hariva teo ho eo. Lakana iray nitondra olona maromaro no niharan-doza ka nivadika tamin’io fotoana io, raha ny angom-baovao voaray. Vokany, latsaka tao anaty rano avokoa ireo mpandeha rehetra tamin’io fitaovam-pitaterana io. Tonga teny an-toerana nanavotra ireo mpandeha ny sampana mpamonjy voina toarian’ny antso. Niezaka nanao ny fikarohana rehetra izy ireo. Hatramin’ny nanoratana, omaly, niisa dimy ireo olona avotra soa aman-tsara. Mbola teo am-pikarohana ny olona ambiny kosa ny mpamonjy voina, halina. Tsy mbola nahazoana fanampim-baovao kosa ny tena isan’ireo mpandeha marina tamin’io. Tsy mbola fantatra ihany koa ny antony nahatonga ny fivadihana. Tonga teny an-toerana nijery ny zava-misy ny sefo fokontany Anosizato Atsinanana, ny solombavambahoaka voafidy tao amin’ny boriborintany fahefatra. Andrasana ny tohin’ny raharaha sy ny vokatry ny fikarohana ireo olona niharam-boina ary ny fanadihadiana mahakasika ity tranga ity.
Mino
French