Nifamonjen’ny nanatri-maso, vehivavy iray naratra mafy voahosin’ny lamasinina teny amin’ny lalamby Androndrakely, omaly maraina. Tsy manam-ponenana matotra, mivezivezy eny amin’ny manodidina io ramatoa io, araka ny loharanom-baovao. Nitsirara teo amin’ny toerana manakaiky ny lalamby izy. Nisotro toaka io vehivavy io. Tavela teo aminy ny tavoahangy nisotroany. Nandalo tampoka anefa ny fiaran-dalamby. Nikisaka avokoa ireo olona izay nifanandrify ny lalany saingy taraiky teo amin’ny lalamby ny tongony. Vokany, notetezin’ny kodiaran’ny lamasinina. Tapaka tanteraka io tongony havanana io ka samy nanao vonjy taitra ny manodidina. Niditra an-tsehatra ny polisy miasa eo an-toerana. Nentina namonjy hopitaly teny anivon’ny HJRA avy hatrany ilay lasibatra. Manaraka fitsaboana izy. Tsiahivina, mateti-pitranga ny karazana lozam-pifamoivoizana samihafa tato ho ato. Kodiaran-droa, fiara tsy mataho-dalana ary izao lasibatra indray ny fiara an-dalamby.
Tsiferana R.
French