Hita afakomaly maraina tamin’ny 11 ora atoandro, tao anaty rano ny vata-mangatsiakan’ny tovolahy 17 taona, antsoina hoe: Sasah. Maty nalentiky ny rano tany Andranobevava Nanganehana Sambaina, distrikan’i Manjakandriana izy io, ny talata lasa teo. Nilomano tao amin’io rano io izy ny talata tamin’ny 2 ora tolakandro. Tsy nipoitra intsony anefa izy taorian’izay ary nanomboka nikaroka nitady azy ireo fokonolona teny amin’ny manodidina sy ny tomponandraikitra ary ny fianakaviany. Naharitra ora maro ny fikarohana tamin’io andro tsy nahitana azy io, satria nifarana tamin’ny 9 ora alina ny fikarohana fa tsy nahitam-bokatra. Notohizana ny ampitso vao maraina indray ny fikarohana. Naka mpilomano manokana ireo fianakaviana nitady azy tao anaty rano ka nahafahana nahita ny vata-mangatsiakan’io tovolahy io. Tamin’ny 10 ora maraina vao hita ny razana izay tsy nisy aina intsony. Efa tonga teny an-toerana nanao ny fizahana ny razana teny an-toerana ireo tomponandraikitry ny fahasalamana tany Sambaina sy Manjakandriana. Efa eny anivon’ny fianakaviana kosa ny razana miandry ny fandevenana ny razana, anio.
Marihina fa mpianatra, taona faharoa, ao amin’ny lycée technique professionnelle Manjakandriana, manaraka ny fiofanana BTP ity lehilahy ity. Tonga nilomano sy nandro tao amin’io dobo io izy ka izao nalentiky ny rano izao.
Mino
French