VAOVAO TAMBATRA

Tafiditra ao anatin’ny sokajy “World Travel Awards 2025” i Madagasikara. Hetsika hanomezam-boninahitra sy amboara an’ireo firenena mahasarika mpizahatany indrindra maneran-tany. Manampy amin’ny fampahafantarana ny Nosy malagasy maneran-tany ny hetsika toy izao.
Manaraka ny fenitra iraisam-pirenena ny rano vokarin’ny Jirama, raha ny fanazavana nataony tao amin’ny tambajotra sosialy. Mandalo dingana maro samihafa ny fanadiovana ny rano vao tonga any amin’ny tokantrano tsirairay sy ny mpanjifa. Mbola mitohy ihany koa ny fanoloana ireo fantsona mpitondra rano eto Antananarivo sy ny manodidina hisitrahan’ny mpanjifa rano madio.
1 118,1 tapitrisa dolara ny fatiantoka ara-barotr’i Madagasikara nandritra ny sivy volana tapany voalohany, taona 2024. Nitombo avo roa heny izany raha noharina tamin’ny taona 2023, izay 676,6 tapitrisa dolara. Nihena 19,3% ny fanondranana nataontsika, izay nisanda 1 952,4 tapitrisa dolara, raha toa ka 2 418,3 tapitrisa dolara tamin’ny roa taona lasa.
Hotanterahina any Toliara, ny 17-19 avrily, ny Fihaonamben’ny tanora afrikanina mahakasika ny toekarena manga, andiany faharoa (FOJAEB). Hetsika hamantarana ireo tombontsoan’ny toekarena manga. Hihaonana sy hifanakalozana hevitra amin’ireo manampahaizana sy tanora eto Afrika ny hetsika. Hiara-kidinika ihany koa ny fampandrosoana maharitra.