Notanterahina tao Antsiranana, nandritra ny hateloana, ny herinandro lasa teo, ny atrikasa fanamafisana ny fahaiza-manao amin’ny fitantanana ny loza voajanahary ho an’ny faritra Diana. Nampivondrona ireo manam-pahefana tao an-toerana ireo mpiara-miombon’antoka ara-teknika sy ara-bola, ireo mpisehatra isam-paritra ary ireo fikambanana maro ny atrikasa hanavaozana ny drafitry ny fiatrehana ny rivodoza sy ny tondradrano ho an’ny faritra Diana.
Tanjon’ny atrikasa ny hanatsarana ny fifandraisana, ny fandrindrana ary ny fahaiza-manaon’ny komity misahana ny fitantanana loza, ahafahana miomana sy mamaly haingana rehefa mitranga izany. Vokatra nisongadina taorian’ny fivoriana ny fanavaozana ny drafitry ny fiatrehana loza sy fanolorana izany tamin’ny fomba ofisialy tamin’ny Préfet mpisolo toerana, Andriamamonjisoa Jean Marc, izay sady sekretera jeneralin’ny faritra. Tontosa koa ny fanatsarana ny tetikady vonjy taitra sy fanamafisana ny fitaovana fandrindrana valin-kafatra haingana. Ary farany ny fanamafisana ny fahaiza-manaon’ny mpisehatra eo an-toerana ho amin’ny fitantanana mahomby ny krizy. Manaporofo ny fanamafisana orina ny fahaiza-manaon’ny faritra amin’ny fiatrehana loza voajanahary ny fanolorana drafitry ny fiatrehana loza voavolavola ho an’ny Préfet mpisolo toerana.
Niara-niasa ny BNGRC sy ny Pam (namatsy vola) nahazoana nanatanteraka ny atrikasa. Nanome tantsoroka ara-teknika ny Ocha.
Vonjy
French