Farakely etsy amin’ny Piment Café Behoririka. Elaela indray tsy nifamotoana tao amin’ity tokotanin’ny mozika ity i Farakely sy ny mpankafy azy. Anio amin’ny 8 ora sy sasany indray ny fotoana hizarany ny “Tiako ianareo”. Hiverenana avokoa ireo hira nanamarika ny taona maro tanaty mozika ho an’i Farakely.
“Improludik”. Atrikasa iray entina manavao anatin’ny tontolon’ny teatra izy ity. Hotontosaina rahampitso manomboka amin’ny 10 ora, ao amin’ny IFM Analakely. Natao hanazarana ireo tanora amin’ny “eo no ho eo” anaty fiseharana izany, sady fialamboly ihany koa. Ny Cie Miangaly no hitondra azy ity, izay tafiditra anatin’ny fanamarihana ny “Iray volan’ny teatra”.
Seho roa any Fianarantsoa. Rahampitso, hifampitaona amin’ireo mpankafy ny sanganasany i Zook Davids. Ao amin’ny Espace Andry Tsianolondroa, hanomboka amin’ny 2 ora sy sasany tolakandro. Ny faharoa, ao amin’ny FJKM Antarandolo Fitiavana, ny alahady 23 marsa manomboka amin’ny 2 ora tolakandro. « Ankizy tia Baiboly » ny lohahevitra hoentiny amin’ity seho faharoa ity. Marihina fa tsy misy vidim-pidirana izy ireo.
Sarotra ny hamerina tsy misy tomika ny sanganasan’ny teo aloha. Rehefa zavakanto, iharan’izany avokoa. Hatramin’izao, mizara roa ny hevitry ny mpahay kanto. Aleo atao ihany na tsy mifanaraka amin’ny namoronan’ny tompony azy aza. Ny faharoa, rehefa hamerina ihany, aleo mba hifanakaiky amin’ilay nataon’ny tompony. Ilay voalohany, tsara sy mety hampisondrotra mpanakanto hafa, saingy, mety hanimba ilay sanganasa.
French