Olona telo namoy ny ainy nandritra ny orambe teto Analamanga, nanomboka ny 22 hatramin’ny 24 marsa 2025 lasa teo, raha ny tatitra navoakan’ny BNGRC omaly hariva. Tany Ambohijanaka ny roa tamin’izy ireo ary teny Ampitatafika ny iray hafa. Mahatratra 9 761 ny isan’ny traboina, ahitana tokantrano 2 762 isa. Ao amin’ny distrikan’Antananarivo Atsimondrano avokoa ny 8 310 amin’izy ireo.
Voa mafy sy tena voakasiky ny fahasimbana ny ao amin’ny distrikan’Antananarivo Atsimondrano, Tana I, Tana II, ary Tana IV. 680 ao amin’ny distrikan’Antananarivo voalohany. Trano 2 223 no dibo-drano, raha toa ka rava tanteraka ny trano enina.
Mitohy ny fanangonana vaovao momba ny fiantraikan’ity rotsakorana tafahoatra ity. Manao ny ezaka hanampiana ireo traboina isan-tsokajiny ny tomponandraikitra sy manampahefana rehetra. Miantso ny rehetra mba hitandrina sy hanaraka ny toromarika avy amin’ny manam-pahefana ny BNGRC, indrindra fa amin’ny faritra ahina hiakaran’ny rano.
Mino
French