Manampy ilay orinasa iray efa miasa ny Colas, manamboatra ny ampahan-dalana any Ampasimadinika, amin’ny lalam-pirenena faha-2. Avy amin’ny Banky iraisam-pirenena ny vola amin’ny ampahany iray, ary avy amin’ny Tahirimbola ho an’ny lalana (Fonds routier) ny famatsiam-bola faharoa. Ireo toerana tena ratsy, toy ny eo amin’ny PK130, no tena henjehana.
Hamokatra angovo 750 GWh isan-taona ny tetikasa Volobe, izany hoe, 40% ny fanjifana herinaratra eto Madagasikara. Manana tanjaka 120 MW izy ary manodidina ny 2 000 ha ny voakasiky ny tetikasa. Hisitraka fanorenana samihafa ireo mponina eny ifotony ka hitondra vokatsoa eo amin’ny lafiny sosialy sy fampandrosoana ny firenena i Volobe.
Nihaona tamin’ny mpanolotsaina amerikana hangataka ny fanavaozana ny Agoa ny delegasiona malagasy. Nasongadina ny tombontsoa iombonan’ny firenena roa tonta ao anatin’ny fandaharanasa. Tanjona ny hampiroborobo ny fiaraha-miasa sy ny fifandraisana ara-toekarena eo amin’i Madagasikara sy Etazonia.
French