AMFI sy GEPIMM :Dimy mianadahy nisitraka fiofanana

Nifarana ny zoma 28 marsa teo ny fanofanana Tonian-dahatsoratra andiany faharoa nokarakarain’ny « Actions médias francophone internationale » na AMFI, sy ny « Groupement des éditeurs de la presse d’information multimédia de Madagas­car » (Gepimm) tetsy Antani­mena. Notarihin’i Thierry Olivier. Niompana manokana tamin’ny fandalinana ny asan’ ny tonian-dahatsoratra eo amin’ny asa fanaovan-gazety izany. Nandalina ireo fitaovana tokony ho fehezin’ny tsirairay momba io asa io ny mpandray anjara. Tanjon’ny fampiofanana ny hampiroborobo ny gazety an-tsoratra na eo aza ny fihazakazaky ny teknolojia. Nofanina mano­kana ireo mpandray anjara dimy mianadahy, avy amin’ny orinasa an-gazety samihafa, hifehy tanteraka ny laha­tsoratra avoaka, ary hahavita hikirakira izany ho tonga gazety ho an’ny mpamaky. “Naha­zoako tombony satria nanampy ny traikefa kely
efa nananako ny fanarahana ny fiofanana”, hoy i Tsiferana Randriatiana, mpanao
ga­ze­ty anisan’ny nandray anjara. Tsiahivina, efa nisy andiany voalohany ity fiofanana nokarakarain’ny Gepimm ity.

Tsiferana R.

Partager sur: