Tanterahina mandritra ny telo andro, eny Anosy, ny Herinandron’ny Vaomieram-pirenena momba ny tsenambaro-panjakana (CNM). Fotoana hanamafisana ny fahaiza-manaon’ny mpiasan’ny CNM sy ny fitantanana ary ny fomba fiasa ao. Hisy ny fampiofanana ireo mpiasa izay hiaraha-miasa amin’ny fanjakana sy ny sehatra tsy miankina ary koa ny fanofanana ireo mpikambana vaovao eo anivon’ny vaomiera taorian’ny antso natao ny 24 mey 2024. Nitarika ny lanonam-panokafana ny hetsika ny minisitry ny Toekarena sy ny fitantanam-bola, Rabarinirinarison Rindra Hasimbelo. Nanome toromarika handrindrana ny asa sy ny fomba fiasan’ny CNM ary ireo rantsamangaikany manerana ny Nosy ny tenany. Tanjona, hoy izy, ny hanatsarana ny fifandaminana, hampitombo ny fahombiazana ary hampiroborobo ny mangarahara. « Manantena aho fa hihatsara ny fomba fiasa aorian’ity herinandro natokana hiofananan’ ny mpiasan’ny Vaomieram-pirenena momba ny tsenambaro-panjakana ity», hoy ny fanazavany.
Fanoitra lehibe hanatsarana ny fitantanana ny tsenambaro-panjakana ny hetsika atao. Mifanindry an-dalana amin’ny famoahana ny «Rapport de contrôle», dingana lehibe amin’ny ady amin’ny kolikoly. Eo ihany koa ny ezaka amin’ny «dématérialisation» sy hanatanterahana ny drafi-panavaozana ny rafitra (PRS). Kendrena manokana ny hametrahana ny fitantanana mangarahara ny volam-panjakana, entina hantanterahana ireo tetikasam-pampandrosoana.
Henintsoa Hani
French