Miisa 3 000 ireo zana-kazo novolen’ny Orange Madagascar sy ireo mpinatra 300 isa avy ao amin’ny CEG Fihaonana, ny zoma teo. Hetsika hiadina amin’ny fiovaovan’ny toetr’andro sy ho fanabeazana ara-tontolo iainana ny mpianatra. Tanjona ny hampahafantarana ireo mpianatra ny lokanadin’ny fiovaovan’ny toetr’andro sy hampirisihina azy sahady hanaja ny tontolo iainana.
Niray hina sy nifanome tanana namboly ireo zana-kazo ireo mpianatra avy ao amin’ny Village Orange de Fihaonana sy ny mpilatsaka an-tsitrapo avy ao amin’ny Orange Madagascar. Taratra izao fa vonona hitondra anjara biriky amin’ ny fanamaitsoana ny firenena ny Orange Madagascar. Manohana ihany koa ny tetikasam-panjakana amin’ny hetsika hiadina amin’ny entona karbona sy handrakotra ala amina velaran-tany 75 000 ha ho an’ny taona 2025 izy ireo.
« Mino izahay fa zava-dehibe ny hetsika toy izao. Dingana lehibe ho an’ny hoavy mamiratra ho an’ny mpianatra ny fanentanana atao. Porofo izao fa vonona hitondra miaraka ny anjara biriky amin’ny fanovana ho an’ny tsara hatrany izahay », hoy ny tale jeneralin’ny Orange Madagascar, Frédéric Debord.
Henintsoa H.
French