Natolotry ny Fondation Hiroshi Uchida-Daiho, ny alatsinainy 31 marsa teo, ny vatsim-pianarana ho an’ny mpianatra miisa dimy. Nampiavaka ny tamin’ity taona ity, lasa dimy ny mpisitraka raha 3 teo aloha, sady nampiakarina ho 1 500 000 Ar ny vatsim-pianarana, raha 1 000 000 Ar tamin’ny taon-dasa. Izay mpianatra mendrika no anisan’ny masontsivana hisafidianana ny misitraka ny vatsiam-pianarana. Izy dimy mirahalahy dia mandranto fianarana eny amin’ny Sekoly Polyteknika ESPA Antananarivo, IST Antananarivo, ISPM Antananarivo, Oniversite Polyteknika ESP Antsiranana ary Oniversite Toliara, sampam-pianarana Ekolojia sy Tontolo iainana.
Miisa 252 ny mpianatra efa nahazo vatsiam-pianarana, mitentina maherin’ny 13 tapitrisa Ar, avy amin’ny Hiroshi Uchida-Daiho, hatramin’ny taona 1997. Nampitomboina ho 5 ny mpianatra nisitraka azy nanomboka ny taona 2019, raha telo tany aloha.
Nambaran’ny masoivoho japoney miasa eto amintsika, Abe Koji, fa tsy ataon’i Japana ambanin-javatra ny fanabeazana, ankoatra ny fiaraha-miasa amin’ny fampandrosoana ara-toekarena.
Njaka A.
French