Ho maromaro ny hetsika hanamarihana ny «Iray volan’ny teny malagasy», ny volana jona ho avy izao. Tafiditra ihany koa anatin’ny fankalazana ny faha-65 taona niverenan’ny fahaleovantena izany, ka nisy ny fikaonandoha nataon’ireo mpikarakara ny faran’ny herinandro teo, teny amin’ny foibe momba ny teny ao amin’ny Akademia Malagasy. Tapaka nandritra izany fa ny lohahevitry ny fankalazana amin’ity taona ity dia : «Teny malagasy, enti-mahatsangy ny fiainam-pirenena mahaleo tena».
Nitarika ny fotoana ny Dr Rabenalisoa Jean Ravalitera, filohan’ny sokajy Haikanto sy Hailaza, ao amin’ny Akademia Malagasy. Nanatrika ny fikaonandoha kosa ny talen’ny fampiroboroboana ny teny malagasy eo anivon’ny minisiteran’ny Serasera sy ny kolotsaina, Andriamifidy lalaina, Holy Ratrimo, mpampianatra mpikaroka teny malagasy avy amin’ny sekoly ambony ENS, Mampandriniaina Manitra, mpandrindra ny Faribolana Sandratra, sampana Antananarivo, Griffine Bakoliniaina, filoha lefitry ny Havatsa-Upem, Pr Ramavonirina Oliva, Razanarisoa Aimé, Razafimamonjy Fanja, samy avy ao amin’ny Foibe momba ny teny ary Randrianiraina Mamisoa, filohan’ny Fitomiandalana.
Zo ny Aina
French