Mpitandro filaminana am-perinasa tra-doza teny amin’ny Lalam-baovao Tsarasaotra, omaly tamin’ny 4 ora tolakandro. Nanatontosa ny asany, voafaokan’ny fiara tampoka teo amin’ny sampanan-dalana Ambodifasina, lalam-baovao Tsarasaotra izy, araka ny loharanom-baovao. Fiara an’olon-tsotra iray nandeha mafy nitrongy kamiao kely iray avy aoriana. Nidona mafy tamin’io kamiao io vokatr’izany ilay fiara ka vaky tanteraka ny fitaratra. Potika koa ny lohany. Vaodona nandritra izany ilay polisy. Naratra mafy, nentina namonjy hopitaly avy hatrany ny lasibatra. Ankoatra azy, nentina nozahana fahasalamana ny mpamilin’ilay fiara kely. Tetsy ankilany, lehilahy nitondra moto niharan-doza ka tsy nahatsiaro tena teny Ivandry, ny alin’ny alatsinainy 31 marsa teo. Lehilahy iray hafa koa, maty nidona tamin’ ny kamiao tao Toamasina, ny atoandron’io alatsinainy io ihany. Lozam-pifamoivoizana niseho tao anatin’ny telo andro. Ilaina ny fitandreman’ny tsirairay ahafahana mampihena ny voina an-dalambe sy hisorohana izany.
Tsiferana R.
French