Hotanterahina anio sy rahampitso, ny andro fahavalon’ny fiadiana ny ho tompondakan’i Madagasikara, taranja baolina kitra “World Cola PFL”. Anisan’ny fihaonana andrasan’ny maro, amin’izany, ny fifanandrinan’ny Elgeco Plus sy ny Ajesaia, izay hotontosaina anio, eny amin’ny Kianja Elgeco Plus By-pass.
Azo heverina ho toy ny famaranana ihany izy ity, raha mandresy ny mpilalao avy any Itaosy ny Elgeco plus, hiakatra ny laharan’izy ireo amin’ny fifaninanam-pirenena. Tsiahivina fa manana isa 10 ny Elgeco Plus amin’izao fotoana izao, ary mitana ny isa 13 kosa ny Ajesaia, laharana fahatelon’ny fifaninanana nasionaly.
Ankoatra izay, tsara ny mampahafantatra fa mbola mihazona ny laharana voalohany hatrany ny AS Fanalamanga, raha toa ka manaraka azy ao ny Fosa Juniors Boeny. Ny fifanintsanana “World Cola PFL”, izay ezahina hofaranana amin’ny volana jona io, ary natao hifantenana ny mpilalao handrafitra ny Barea amin’ny “Chan 2025”.
Fitia Randria
Ireo fandaharan-dalao
rehetra :
Alarobia 2 avrily 2025 :
Kianja Imeritsiatosika :
2 ora : Mama FC vs Fosa Juniors FC
Kianja CFFA Iavoloha :
2 ora : Disciples FC vs FC Rouge
Kianja Elgeco Plus by-pass :
2 ora : Elgeco Plus vs Ajesaia
Kianja Alarobia
2 ora : Uscafoot vs AS Avenir Ste Anne
Alakamisy 3 avrily 2025 :
Kianja CFFA Iavoloha :
12 ora : Cosfa vs As Fanalamanga
Kianja CFFA Iavoloha :
2 ora : CFFA vs Tsaramandroso FC
French