Voaheloka higadra telo taona sazy mihantona ny Kly Fanampera taorian’ny fitsarana azy, tetsy
Anosy, omaly. Fitarihana olona hidina an-dalambe tsy nahazoana alalana sy hikomy manoloana ny fanatontosana ny tetikasa Base Toliara no anton’ny nisamborana azy.
Alan-drongony mirefy 3ha saron’ny zandary avy ao amin’ny vondron-tobim-pileovana Atsinanana, tao Ankoraongambe, fokontany Andranovaky, kaominina Andranobolaha, distrikan’i Toamasina II, ny faran’ny herinandro teo. Nanao hetsika manokana ny mpitandro filaminana miasa ao an-toerana ka nahitana izao vokatra izao.
Nifanehatra tamin’ny zandary, lehilahy nitondra lelavola telo tapitrisa Ar mahery voasambotra tao amin’ny fokontany Fiadanana, kaominina Ambohimalaza, ny 23 marsa teo tamin’ny 2 ora maraina. Nilaza ho avy nihazakazaka maraina io lehilahy io. Nampiahiahy ny fihetsiny ka nosavaina. Niaiky izy fa avy nangalariny tany Antsirabe io lelavola io.
Nitohy omaly ny fitokonana nataon’ireo mpivarotra sasantsasany nanoloana ny Lapan’ny tanàna Analakely. Na teo aza ny lamina manokana efa napetraky ny tomponandraikitry ny kaominina, niverina nidina an-dalambe ireo mpivarotra ireo. Tsy nisy ny voasambotra.
French