Notontosaina omaly, tao amin’ny Toby Ratsimandrava Andrefanambohijanahary, ny Andron’ny zandarimariam-pirenena eto Antananarivo.
Nahitana hetsika mahakasika izany avokoa ny renivohi-paritany rehetra manerana ny Nosy. Nosantarina tamin’ny alalan’ny fotoam-pivavahana ny fotoana. Nisy fanolorana mariboninahi-pirenena sy medaly ho an’ny zandarimariam-pirenena sy ny sivily miara-miasa amin’izy ireo ary ireo mpiara-miombon’antoka amin’ny fandriampahalemana.
Tanjona ny fankasitrahana ireo asa sy andraikitra goavana noraisin’izy ireo teo amin’ny firenena. Nisy koa ny fanatsarana ny fotodrafitrasa eo anivon’ny zandarimaria ho fanamarihana izany, toy ny tobim-pibaikoana ao amin’ny Toby Ratsimandrava. “Fotoana nandraisan’ny kolonely Ratsimandrava Richard ny fibaikoana voalohany ny 2 avrily 1969 ka notazonina io daty io hankalazana ny Andron’ny zandarimariam-pirenena”, hoy ny géneral de division Rakotomalala Andriatahiana, kaomandin’ny zandarimariam-pirenena. “Tsy mivaona amin’ ny tarigetran’ny minisitera delege misahana ny Zandarimaria ny andraikitry ny zandary, miaro ho antoky ny fampandrosoana ifotony”, hoy hatrany izy.
Miezaka ny zandary mametraka ny fandriampahalemana any ambanivohitra sy eto an-tanàn-dehibe.
Tonga nanotrona sy nanome voninahitra ny lanonana ny filohan’ny Antenimierandoholona, ny jeneraly Ravalomanana Richard, ny lehiben’ny Mariboninahi-pirenena, ny jeneraly Ranjeva Marcel, ny minisitry ny Foloalindahy, ny jeneraly Sahivelo Lala Monja Delphin. Teo koa ny minisitry ny Filaminam-bahoaka, ny inspecteur général de Police Rakotoarimanana Herilala ary ireo olo-manan-kaja maro.
Mino
French