Mandritra ity taona ity no hanamarihina ny nananganana ny fikambanana maneran-tany misahana ny toetry ny andro (OMM). Lohahevitra hovoizina ny hoe: “Andao hiaraka hanarina ny lesoka amin’ ny fampitandremana mialoha”.
Manasongadina indrindra ny maha zava-dehibe ny fanamafisana ny rafitra fampitandremana mialoha ho fiarovana ny mpiara-belona amin’ny loza voajanahary ny lohahevitra. Tanjona ny hanavotana aina sy hiaro ny fivelomana.
Tokony haharay vaovao marim-pototra hatrany ny tsirairay ahafahana misoroka mialoha. Amin’ity taona ity ihany koa no hanamarihina ny faha-75 taonan’ny fikambanambe maneran-tany misahana ny toetry ny andro.
Nosokafana tamin’ny fomba ofisialy tamin’ity herinandro ity ny fankalazana ny Andro maneran-tany ho an’ny toetry ny andro niarahana tamin’ny minisiteran’ny Fitaterana sy ny famantarana ny toetry ny andro.
Notsidihina ireo fotodrafitrasa nohavaozina teny amin’ ny ivontoerana faminavinana ny toetry ny andro sy ny toetry ny rano eny Ampasampito. Tafiditra anatin’ny tetikasa fampandrosoana sy fiarovana ny tanànan’Antananarivo sy ny manodidina ny asa nohavaozina.
Tatiana A
French